“Disney”-н хамгийн хайртай гүнжүүдийн нэг болох Тиана шинэ дүр төрхөөр дэлгэцнээ эргэн ирэх гэж байна. Тодруулбал, тус компани 2009 онд гарсан “The Princess and the Frog” буюу монгол орчуулгаар “Гүнж мэлхий хоёр” хүүхэлдэйн киноны ертөнцөөс сэдэвлэсэн шинэ бүрэн хэмжээний уран сайхны кино төслийг хөгжүүлж эхэлжээ.
Гэхдээ энэ бүтээл нь өмнөх хүүхэлдэйн киног шууд хуулбарласан үйл явдалтай биш бөгөөд Тиана гүнжийн түүхийг цааш хөгжүүлэх юм байна.
Төслийн зохиолыг Колман Доминго, Роберт О’Хара нар хамтран бичихээр яригдаж байгаа аж.
Сонирхуулахад, “Гүнж, мэлхий хоёр” нь “Disney”-н 2009 онд бүтээсэн сонгодог гар зурмал хүүхэлдэйн кинонуудын сүүлийн үеийн төлөөлөлд тооцогддог. Үйл явдал 1920-иод оны Нью-Орлеанс хотод өрнөж, мөрөөдөлдөө хүрэхийн төлөө хичээдэг тогооч болох хүсэлтэй залуу бүсгүй Тиана болон ханхүү Навины адал явдлыг өгүүлдэг.
Тиана нь “Disney”-н түүхэн дэх анхны хар арьст гүнж гэдгээрээ онцлог бөгөөд зөвхөн хайр дурлалын түүхээс илүүтэй хөдөлмөрч зан, бие даасан байдал, мөрөөдлийнхөө төлөө тэмцдэг дүрээрээ олон үзэгчдийн хайр хүндэтгэлийг хүлээсэн юм.
