2014 оны сүүлчийн задгай шоу, электро хөгжим сонирхогчдын энэ намрын анхны томоохон цугларалт болох EAMF- Eco Asia Music Festival энэ сарын 5, 6-нд Төв цэнгэлдэх хүрээлэнд зохиогдох гэж байна. Наадамд Герман, Швейцар, Итали, Нидерланд, Швед, Румын, Сингапур, Япон, БНСУ зэрэг дэлхийн олон орны DJ нараас гадна “Mr Saxobeat” дуугаар нь сайн таних дуучин Александра Стан оролцох гэж байна. Энэ жил 25 настай залуу дуучны 2011 онд гаргасан “Mr Saxobeat” сингл дэлхий даяар 10 сая гаруй хувиар борлогдож, олон орны чартуудын топ 5-д багтаж байсан билээ.
Наадмын үеэр мөн дэлхийн хэмжээний уран бүтээлчийн галын шоу, эко үзэсгэлэн, үнэ төлбөргүй эко зураг зуруулах зэрэг олон үйл ажиллагаа хүлээж байна.
“Eco Asia Music Festival”-ын зорилго нь соёл урлагаар дамжуулан хүмүүст байгаль орчны үнэ цэнийг ойлгуулах явдал юм байна. Наадмын ашгийн тодорхой хувийг цөлжилт явагдаж байгаа газруудад мод тарих аян явуулах, цөлжилтийн улмаас амьжиргаагаа авч явах боломжгүй айл өрхүүдэд туслахад зарцуулах нь ээ. Наадмын нэг тасалбар бүр нэг мод тарихад зориулагдах юм байна.
Задгай шоуны нэгэн чухал зүйл бол гэрэлтүүлэг болон дуугаралт байдаг. Тэгвэл Eco Asia Music Festival-ын дуу болон гэрлийн техникүүдийг БНСУ-аас авчирч байгаа юм байна. Мөн 300 ширхэг лазер гэрэл Төв цэнгэлдэх хүрээлэнг аалзны тор шиг хэрж, томоохон шоуны стандартын дагуу явагдах нь ээ.
Наадмын тасалбарыг Hi-Fi, Orange records, Coffee Bean-ий бүх салбараар болон Үндэсний соёл амралтын хүрээлэн, Мохито коктейл хауст худалдаалж байна. Мөн Easyticket.mn сайтаас захиалж, 1900-1199 дугаараар үнэгүй хүргүүлээрэй.
Электро хөгжмийн гайхамшгийг 9-р сарын 5, 6-нд Төв цэнгэлдэх хүрээлэнд мэдэрцгээе.
