Өмнөд Солонгосын жүжигчин Мүн Гын Ён цахим хуудсаараа дамжуулан гэрлэсэн тухайгаа гэрлэсэн тухайгаа мэдэгджээ. Тэрбээр театрын жүжигчин Жон Пёнтой гэрлэсэн бөгөөд хосууд олон жил үерхсэний эцэст гэрлэж буй аж.
Мүн Гын Ён “Би гэрлэж байна. Өмнө нь ганцаараа туулдаг байсан амьдралынхаа замыг хамтдаа алхаж, баяр гунигаа хуваалцаж, өчүүхэн зүйл дээр ч бие биедээ инээмсэглэл бэлэглэх хүнтэй учирсан” хэмээн бичиж, фэнүүдээсээ санаа зовохын оронд баяр хүргэж, дэмжиж өгөхийг хүссэн байна. Цаашид ч жүжигчний ажлаа үргэлжлүүлэн, илүү сайн бүтээлээрээ эргэн ирэхээ мөн амласан байна.
Хосууд хуримын ёслол хийгээгүй бөгөөд харин зөвхөн гэр бүлийнхэн, ойрын төрөл төрөгсдийн хүрээнд даруухан оройн зоог барьсан талаар Мүн Гын Ёны агентлаг нь мэдээлсэн байна.
Жүжигчин Мүн Гын Ён 2017 онд ховор тохиолддог цочмог компартмент синдром өвчнөөр оношлогдсоноор уран бүтээлээсээ завсарлага авсан юм. Тэрбээр дөрвөн удаагийн хагалгаа, нөхөн сэргээх эмчилгээ хийлгэсэн бөгөөд 2024 онд бүрэн эдгэрсэн байна. Харин түүний нөхөр Жон Пён нь 2007 оноос уран бүтээлийн гараагаа эхлүүлсэн театр, мюзиклийн жүжигчин ажээ.
