БНСУ-ын Бусан хотод үргэлжилж буй НҮБ-ын Боловсрол, соёл, шинжлэх ухааны байгууллагын (ЮНЕСКО) Дэлхийн өвийн хорооны 48 дахь удаагийн чуулганаар Дэлхийн өвийн жагсаалтад 25 дурсгалт газрыг нэмж бүртгэсэн тухай тус байгууллага мягмар гарагт мэдэгджээ.
ЮНЕСКО-гийн мэдээлснээр, шинээр бүртгэсэн өвүүдийн 19 нь соёлын дурсгалт газар, тав нь байгалийн дурсгалт газар, нэг нь соёл, байгалийг хослуулсан дурсгалт газар ажээ. Ингэснээр Дэлхийн өвийн жагсаалтад бүртгэлтэй дурсгалт газрын тоо 1273 болсон байна.
Энэ удаагийн чуулганаар Өмнөд Суданы Бома-Бадингило нүүдлийн бүс нутаг, Ливаны Амел уулын цайзууд, Палестины Себастия суурин гэсэн гурван дурсгалт газрыг тусгай журмаар Дэлхийн өвийн жагсаалтад бүртгэсэн байна. Эдгээр дурсгалт газар нь мөн энэ онд Аюулд өртсөн Дэлхийн өвийн жагсаалтад шинээр оруулсан зургаан дурсгалын тоонд багтжээ.
Чуулганы үеэр мөн Коморын арлууд, Сан-Томе ба Принсипи, Өмнөд Судан улс анх удаа Дэлхийн өвийн жагсаалтад бүртгэлтэй дурсгалт газартай болсон байна. Ингэснээр Дэлхийн өвийн тухай конвенцод нэгдэн орсон 196 улсаас уг жагсаалтад дурсгал нь бүртгэлгүй улсын тоо 23 боллоо.
