Төгөлдөр хуурч С.Одгэрэл "Pianissimo" хэмээх нэртэй төгөлдөр хуурын тоглолтоо толилуулахаар болжээ. Түүний тоглолт хоёр хэсгээс бүрдэх бөгөөд эхний хэсэгт Оросын суут хөгжмийн зохиолч Сергей Рахманиновын төгөлдөр хуурт зориулсан Прелюдүүдээс түүвэрлэж, op.23-с № 4,5,6,7 op.32-с № 5,10,12-ыг тоглох аж.
Үүний дараа ДБЭТ-ын залуу гоцлол дуучин сопрано Б.Энхнарантай хамт Петр.Чайковскийн "День Ли Царит" болон Жакомо Пуччинийн Тоска дуурийн "Висси Д'артэ" ариг хамтран дуулж, хөгжимдөх гэнэ. Харин хоёрдугаар хэсэгт Монголын нэрт хөгжмийн зохиолч С.Гончигсумлаан төгөлдөр хуурт зориулсан "Буриад бүжиг", Б.Шаравын "Сэтгэлийн эгшиг", "Сэрсэн тал" бүтээлүүдээр үргэлжлэх юм байна. Тоглолт энэ сарын 20-нд Улсын филармонийн тайзнаа болох бөгөөд тасалбарыг “HI-FI records” болон “Оrange records”-ын салбаруудаар, мөн “Central tower”-ын хоёрдугаар давхарт байрлах “DAMIANI”-д худалдаалж байгаа аж.
www.URLAG.mn