Өнгөрсөн тавдугаар сард БНСУ-ын нийслэл Сөүл хотноо”Miss Asia Pacific World-2014” тэмцээн болсон. Тэмцээнд 47 орны гоо бүсгүйчүүд оролцсоноос Мьянмар улсын мисс May Myat Noe түрүүлсэн юм. Гэвч түүнийг бүсгүй шагналын титмээ аван зугатаасан мэдээлэл гарсан талаар бид мэдээлсэн.
Тэгвэл “Miss Myanmar ” Мэй Аунг Мьянмар улсад хэвлэлийн хурал хийж, сайхан бүсгүйн тэмцээнийг зохион байгуулагчид 16 настай түүний насыг 18 болгон нэмж, нэрийг нь бага зэрэг өөрчлөн тэмцээнд оруулсан гэсэн байна. Мөн тэмцээнд түрүүлсний дараа хөхөө томруулах, бүтэн биеэ өөрчлөх гоо сайхны мэс засал хийлгэхийг шаардан, өөрийн дуулсан дууны цомог гаргахын тулд зохих хүмүүст биеэ үнэлэхийг тулгаж байсан гэжээ. Тиймээс тэрбээр энэ бүхнийг зөвшөөрөхгүйн тулд титмээ аваад ээжийнхээ хамт эх орон руугаа зугтсан гэж мэдэгджээ.
Гэсэн ч тэмцээний зохион байгуулагчид огт түүнийг мэдэгдлийг няцаасан байна. Тодруулбал, Мэй Аунг тэмцээнд оролцох үедээ өгсөн хувийн анкет нь хуурамч болохыг тэмцээн дууссаны дараа мэдсэн гэжээ. Мөн түүнд ямар нэгэн гоо сайхны мэс засал болон биеэ үнэлэхийг шаардсан зүйл байхгүй хэмээн мэдэгдээд тэмцээнд 18 нас хүрсэн бүсгүйчүүд оролцох эрхтэй тул насанд хүрээгүй түүнээс алтан титмийг хураан авч, мисс гэсэн цомыг цуцалсан гэж мэдэгдсэн байна.
Эх сурвалж: khulangoo.mn
