“Дисней” компанийн томоохон арга хэмжээ болох “D23”-ын үеэр үзэгчдийн сэтгэлд хоногшсон “Coco” хүүхэлдэйн киноны үргэлжлэл болох “Coco 2” бүтээгдэж байгааг “Pixar” студиэс албан ёсоор мэдэгдэж, анхны концепт зургийг нь олон нийтэд дэлгэжээ.
Анхны анги нь 2017 онд нээлтээ хийж, “Оскар”-ын шагнал хүртэж байсан бол удаах анги нь 2029 оны арваннэгдүгээр сард кино театруудаар үзэгчдийн хүртээл болохоор товлогдсон байна.
Шинэ ангид Мигель хүү өсвөр насны залуу болсон байх бөгөөд тэдний гэр бүлд дахин нэгэн томоохон сорилт тулгарна. Анхны ангийн эсрэг талын дүр болох Эрнесто де ла Круз өшөө авахаар эргэн ирэх бөгөөд Мигель гэр бүл, дотны хүмүүсээ хамгаалахын тулд дахин Сүнсний ертөнц рүү аялах шаардлагатай болох аж.
Энэхүү төсөл дээр эхний ангийг амилуулсан туршлагатай баг хамт олон эргэн ажиллаж байна. Киног эхний ангийг амжилттай найруулсан Ли Анкричболон Адриан Молина нар киног дахин найруулна. Мөн Эрнесто де ла Крузын дүрд дуу оруулсан жүжигчин Бенжамин Брэтт “D23” арга хэмжээн дээр биечлэн оролцож, өөрийн дүрдээ эргэн ирж байгаагаа баталжээ.
