Австралийн жүжигчин Жейкоб Элорди найруулагч Ридли Скоттын шинжлэх ухааны уран зөгнөлт “The Dog Stars” киноны дэлхийн нээлтийн үеэр дараагийн Жеймс Бондын дүрд тоглох эсэхтэй холбоотой асуултад шууд хариулахаас зайлсхийжээ.
Лондонд болсон улаан хивсний ёслолын үеэр сэтгүүлчид Элордигоос Жеймс Бондын дүрийн шалгаруулалтад оролцож байгаа эсэхийг асуухад тэрбээр хошигнон “Би энд амарч зугаалахаар ирсэн” хэмээн хариулсан байна.
Элордигийн нэр сүүлийн үед дараагийн Жеймс Бондын дүрд нэр дэвшиж буй жүжигчдийн дунд яригдах болсон. Гэвч жүжигчин өөрөө энэ мэдээллийг батлаагүй бөгөөд шалгаруулалтад оролцсон эсэх талаар тодорхой тайлбар өгсөнгүй.
