ИТАЛИ Ром хот 2012 он
Дэлхийн Залуу Хөгжимчдийн Оркестр (WYO)
Монголын хөгжмийн урлаг тэр дундаа мэргэжлийн урлагийн байгуулагуудын түвшинд өндөрөөр үнэлэгдэх томоохон хэмжээний дэлхийн cор бүтээлүүдээс бүрдсэн, хийлч М.Хулангийн уран бүтээлийн “Classica Paradiso” тайлан тоглолт энэ сарын 25 -нд болох гэж байна.
Монголдоо анх удаа тоглогдож байгаа сонгодог хөгжмийн зохиолуудын бүрэн хэмжээний төгөлдөр хуур болон симфони найрал хөгжимтэй хамтарсан хийлийн гоцлол концерт юм. Мэдээж хэрэг хийл хөгжим нь Дэлхийн Хатанхаан гэх тодотголтой бөгөөд түүний хэмнэл хөг аяз мөн чанар нь хүний сэтгэлийг уяраан догдлуулж хүмүүсийг холбож чадах увидастай билээ.
2013-2014 онд Герман Скандиновын
Залуучуудын Филармоний Оркестртой хамтарч
Берлины Филармоны зааланд тоглолт тавьсан
Тус “Classica Paradiso” тоглолт олонд танигдсан Дэлхийн алдартай хийлийн концерт, киноны хөгжмүүд болон аяз зохиол бүтээлүүдээс бүрдэнэ. Монголын бөгөөд дэлхийн мэргэжлийн хийлчдийн ур чадварыг шаардсан тэр дундаа олон улсын томоохон тэмцээн болох П.И.Чайковскийн нэрэмжит уралдааны зайлшгүй программын зохиолуудаас орсон бөгөөд дэлхийн алдарт хийлчид болох Jascha Heifetz, Nathan Milshtein, Itzhak Perlman нарын бүтээж туурвиж байсан хийлийн ховор нандин найруулга бүхий бүтээлүүдээс тоглогдож байгаа гэдгээрээ онцлог анхдагч шинж чанартай юм.
Энэхүү тоглолтыг цаашид уламжлал болгон сонгодог хөгжим тэр дундаа хийл хөгжмийг Монголын ард түмэн олон нийтэд таниулж сонордуулах зорилготойгоор жил болгон 1 удаа тавигдаж байх бөгөөд хийлч М.Хулангийн урын санг баяжуулж таниулах талаас CD, DVD-ний бичлэгээр үлдээх зорилготой байгаа юм.
Тус тоглолтын талаарх дэлгэрэнгүй мэдээллийг хүргэх хэвлэлийн бага хурал маргааш буюу 9 сарын 18-нд, 12 цагаас, Улсын филормонид болно. Эрхэм сэтгүүлчид та бүхнийг хүрэлцэн ирэхийг урьж байна.
www.URLAG.mn
