Зүүдээн би эгшиг болгож бүтээсэн
Зүрхээн би аялгуу болгож баярласан
Сэтгэлээн би хөг болгож хадгалсан
Санаашралаан би онгод болгож туурвисан
Дурлалаан би дуу болгож бэлэглэсэн
Дуугаараан би тантай хамт байж чадсан хэмээн уянгалуулах УГЗ хөгжмийн зохиолч Бадарчийн Бямбабаярын “Эрт буцсан ганганаа” уран бүтээлийн тоглолт 2014-09-26 нд 19 цагаас “Монгол бөхийн өргөө”-нд ганцхан удаа болох юм байна. Хэзээний зангаргатай дуучдын хоолойн чансааг шалгадаг мэргэжлийн , урт настай дуу бүтээдгээрээ УГЗ Б.Бямбабаяр алдартай. Төрийн хошой шагналт хөгжмийн зохиолч Н.Жанцанноров “дууны урлагт шинэчлэл хийсэн хүн” гэж ухаарч байгаагаа хэлсэн бол Ардын уран зохиолч Б.Лхагвасүрэн “Хөгжмийн зохиолч Бямбабаяр бол Монгол түмэнд зориулж бурхнаас томилогдсон гайхалтай хөгжмийн зохиолчидын нэг гарцаагүй мөн…” хэмээжээ.
Төрийн Соёрхолт МУГЖ Д.Сосорбарам Бямбабаяр бол тал тал тийшээ халгиж цалгисан цартай том том бүтээлүүдтэй, дуурь дан хөгжимийн болоод морин хуурд зориулсан олон бүтээлтэй баян хүн дээ…гэж энэ салбарын “томчууд” дүгнэчихэж. Борооны дараах мөөг шиг олон дуучид ам барьж бөхийн өргөөг дүүргэдэг бол энэ удаад жинхэнэ дууг амьдруулдаг дууны урлагийн нэрт мастер бөхийн өргөөг нэг орой гавяатуудаар дүүргэхнээ. Чингис Жагаа , Төрийн шагналт Со, уянгын дууны хаан МУГЖ солгой Төмөрхуяг гээд жинхэнэ одууд чуулсан “Эрт буцсан ганганаа” энэ намрын хамгийн нүнжигтэй тоглолт болох нь гарцаагүй юм. Тоглолтонд үе үеийн гавьяатууд , шилдэг дуучид оролцож ая дуугаа өргөхөөс гадна хөгжмийн зохиолч өөрөө дуулах юм байна.
Билетийг бөхийн өргөөний кассаар мөн 1950 үнэгүй хүргэнэ гэсэн.Тоглолтын талаарх мэдээллийг 88004616, 99181116 дугаарын утаснаас лавлаарай.
www.URLAG.mn
