Дэлхийн одод “Ice Bucket Challenge” арга хэмжээний хүрээнд мөстэй ус өөрсөд рүүгээ цацаж буйг бид харсан билээ. Тэгвэл олон нийтийн сүлжээгээр олон сая хүний зүрх сэтгэлийг татах зорилготой “We Are Here” хэмээх шинэ хөдөлгөөн дахин бий болжээ.
Энэ хөдөлгөөнийг Фаррелл Уильямс, Мадонна, Женнифер Лопес, Опра Уинфри зэрэг одод дагасан байна. Харин хөдөлгөөнийг үндэслэгч дуучин Алиша Кис илт томорсон гэдсэн дээрээ цагаан өнгөөр дэлхий зуруулж, нүцгэлэн зураг авахуулснаа “Instagram” дээр тавьжээ.
Тэрбээр цагдаад алуулсан 18 настай Майкл Браунаас эхлээд Газын зурвас, Сирид хохирсон иргэдийн төлөө ийм хөдөлгөөн санаачилсан байна. Тиймээс Алиша Кис “Бид энд юуны учир амьдарч байна вэ” гэсэн асуудал дэвшүүлж, арьс өнгөөр ялгаварлалт, шударга бус байдал, ядуурлын эсрэг тэмцэж байгаа гэнэ.
