Монгол Улсын хүүхэлдэйн театр 2025 оноос эхлэн БНСУ-ын Чунчон хотын Хүүхэлдэйн театрын соёлын хамтын ажиллагааны хүрээнд хоёр орны уран бүтээлчид олон улсын томоохон төсөл, хөтөлбөрийг хэрэгжүүлж байна.
2026 оны байдлаар Чунчоны хүүхэлдэйн театрын тайзнаа “Ааруулыг амтлах мөчид” хүүхэлдэйн жүжгийг хоёр дахь жилдээ буюу өнгөрсөн наймдугаар сарын 1-ний өдөр хоёр удаагийн тоглолтыг амжилттай зохион байгуулсан. Уг уран бүтээлд тус театрын хоёр залуу уран бүтээлч ажилласан юм.
Хөтөлбөрийн хүрээнд БНСУ-ын Чунчон хотын Хүүхэлдэйн театрын уран бүтээлчид “Нүүдэлчин” олон улсын соёлын өвийн фестивальд хоёр дахь жилдээ хүрэлцэн ирж, өөрсдийн уран бүтээлийг монголын үзэгчдэд толилуулсан.
Тэгвэл өнөөдөр тус театрын нийт уран бүтээлчид дэлхийд дээгүүрт эрэмбэлэгддэг Чунчоны олон улсын 38 дахь удаагийн хүүхэлдэйн наадамд оролцохоор БНСУ-ыг зорилоо.
Тус наадамд Улсын хүүхэлдэйн театрын 2025 оны онцлох уран бүтээл болох найруулагч Б.Анхбаатарын “Одиссей” пластик хүүхэлдэйн жүжгээр оролцоно.
