УДЭТ-ын жүжигчин И.Дашнамжил Монгол Улсын Соёлын тэргүүний ажилтан цол хүртлээ.
33 дахь удаагийн Соёл, урлагийн ажилтны баярын өдрийг тохиолдуулан театрын урлагт оруулсан хувь нэмэр, авьяас чадвар, хөдөлмөр зүтгэл, бүтээлч сэтгэлгээ, зүрх сэтгэл, амилуулсан дүрүүдийг нь өндрөөр үнэлэн ийн шагнажээ.
Жүжигчин И.Дашнамжил 2020 онд СУИС-ийг жүжигчний мэргэжлээр төгсмөгцөө УДЭТ-т ажиллаж буй бөгөөд өнгөрсөн хугацаанд Б.Цогнэмэхийн “Хаадын хаан: Андгай” түүхэн жүжгийн Бэлгүтэй, Берхольт Брехтийн “Сычуаны сайн хүн” гротеск драмын жүжгийн Цагдаа, Н.В.Гоголийн “Тоглоомчид” жүжгийн Аделаида Ивановна, У.Шекспирийн “Ромео, Жульетта” сонгодог жүжгийн Бальтазар, Б.Мөнх-Амьдралын “Миний аав супер баатар” хүүхдийн жүжгийн Аав шоргоолж, Ц.Балдоржийн “Хайрын виз” уянгын драмын жүжгийн Зөөгч, Л.Н.Толстойн “Анна Каренина” сонгодог жүжгийн Алексей Каренин, Б.Цогнэмэхийн “Тэнгэрийн хүү” түүхэн туульсын жүжгийн Аргун баатар, Б.Лхагвасүрэнгийн “Үгүйлэгдсэн хайр” жүжгийн Жамсран зэрэг дэлхийн сонгодог, орчин үеийн, Монгол жүжгүүдийн дүрд тоглоод буй.
Дэлгэцийн уран бүтээлийн тухайд тэрбээр “Бүлэг” олон ангит кинонд анхлан тоглож байсан бол түүний тоглосон “Гарц” олон ангит кино, “Z zone” аймшгийн кинонд хамгийн сүүлд тоглосон нь үзэгчдэд хүрсэн.
