Америкийн алдарт рэппер Snoop Dogg 2026 оны “MTV Video Music Awards” (VMAs) шагнал гардуулах ёслолыг хөтлөхөөр болжээ.
Тэрбээр энэ жил зөвхөн хөтлөгчөөр ажиллаад зогсохгүй, тус шоуны гүйцэтгэх продюсерын үүргийг мөн давхар гүйцэтгэх юм байна. 2026 оны VMAs шагнал гардуулах ёслол есдүгээр сарын 27-нд болно.
Snoop Dogg MTV болон VMAs-тай олон жилийн түүхтэй уран бүтээлч. Тэрбээр өмнө нь тус шагналын ёслолд хэд хэдэн удаа оролцож, тайзан дээр үзүүлбэрүүдээ толилуулж байсан бөгөөд нийт 13 удаа нэр дэвшиж, гурван удаа шагнал хүртэж байжээ.
Үүнээс гадна 2026 оны VMAs-ын үеэр домогт “Nirvana” хамтлагт “Video Vanguard Award” гардуулахаар болсон. Тус хамтлаг 1992 онд VMAs-ын тайзнаа анх гарч байсан бөгөөд ийнхүү 34 жилийн дараа энэхүү нэр хүндтэй шагналыг хүртэхээр болж байна.
2026 оны MTV VMAs-ыг CBS телевизээр шууд дамжуулах бөгөөд MTV болон “Paramount+” платформоор мөн үзэх боломжтой. Тус ёслолын бусад хөтлөгч, уран бүтээлчдийн нэрийг ойрын хугацаанд зарлах юм байна.
