Эрдэнэт хотоос гаралтай цөөн хамтлаг дуучид монголын урлагт мөрөө үлдээсэн байдаг. Залуусын дунд “Зүрхэн тэнгэрийн наран”, “Надаас бүү холдооч”, “Чи миний бүх юм байсан” зэрэг олон дуугаараа танил болсон “Оutlaw” хамтлагийн 10 жилийн ой энэ онд тохиож байна.
Тэд Анх 2005 онд “Хайраас минь надад юу үлдэв” анхны тоглолтоо Эрдэнэт хотод амжиллттай тавьсан байдаг юм. Тэдний хувьд 2008 онд “Эхлэл” цомгоо худалдаанд гаргасан. Энэхүү цомог “Hi-Fi”, “Orange Records”-ийн улирлын шилдэг борлуулалттай цомгоор шалгарч, нийт 3000 хувь борлогдож дууссан байдаг юм. Харин 2009 онд анхны бие даасан “Надаас бүү холдооч”тоглолтоо,2010 онд хоёр дахь бие даасан “Мөсөн хайр” тоглолтоо “UB Palace”-ийн “Open Air” задгай талбайд толилуулж 24 мянган залуусыг нэгэн дор цуглуулж чадсан юм.
Тэдний хувьд 2007-2012 оны хооронд хоёр удаа Монгол улсын 21 аймагт аялан тоглолт зохион байгуулсан. Өнгөрсөн хугацаанд давхардсан тоогоор 70 гаруй тоглолтыг зохион байгуулжээ. “Outlaw” хамтлагийн хувьд “Ядуу хүн дурлах эрхгүй”, “Надаас бүү холдооч”, “Аз жаргалын төгсгөлд” , “Нулимсандаа би хайртай”,”Зүрхгүй” , “Андын дурсгалд” зэрэг урын сандаа нийтдээ 80 гаруй уран бүтээл, 20 гаруй клиптэй юм. Тэд уран бүтээлээсээ хэсэгхэн хугацаанд хөндийрөөд байсан бол энэ зуныг ашиглаж хэд хэдэн уран бүтээл хийсэн байна. Тэд хамгийн сүүлд Чингисийн талбай дээр болсон рок поп бүх оддын тоглолтон дээр оролцож уран бүтээлээсээ хүргэсэн бөгөөд энэ үер эргэн уран бүтээлийн ажилдаа орсон тун удахгүй хос цомог гаргахаар ажиллаж байгаа тухайгаа дуулгасан юм.
А.Зул