Оросын нэртэй уран гулгагч Юлия Антипова одоо 16 настай ч ердөө 25-хан кг болж туржээ. Юлия эхлээд ганцаараа гулгадаг байсан бол хэдэн жилийн өмнөөс л хостой болж 2014 оны уран гулгалтын дэлхийн аваргын тэмцээнд Нодар Майсуразетай хамт орон наймдугаар байр эзэлсэн юм.
Ингэж гэнэт турж бүр анорекс өвчин болсныгоо тамирчин өөрийн нь дасгалжуулагч байсан Наталья Павловагийн буруу гэж байна. Түүнийхээр бол дасгалжуулагч нь түүнийг хосдоо хөнгөн байхын тулд заавал турах ёстой гэдэг байжээ. “Дасгалжуулагч намайг ядахнаа 100 грамм ч болтугай хас гэж шаарддаг байсан” гэж Юлия ярьжээ.
Наталья Павловагийн дараа тэр хоёрын дасгалжуулагч нь нэрт тамирчин-дасгалжуулагч Артур Дмитриев болсон байна. Тэр л Юлиягийн тураад байгааг анзаарчээ. Тэгэхэд Юлия ганцхан сарын дотор таван кг алдсан байна.
Дмитриев тамирчныхаа эцэг эхэд хандаж яаралтай эмчлүүлэхийг зөвлөжээ. Юлия Антиповагийн энэ байдлаас болон ОХУ-ын уран гулгалтын холбоо тамирчдынхаа эрүүл мэндэд онцгой анхаарч эхлэн Юлияг гадаадад эмчлүүлэхээр болсон байна.
Дмитриев тамирчныхаа эцэг эхэд хандаж яаралтай эмчлүүлэхийг зөвлөжээ. Юлия Антиповагийн энэ байдлаас болон ОХУ-ын уран гулгалтын холбоо тамирчдынхаа эрүүл мэндэд онцгой анхаарч эхлэн Юлияг гадаадад эмчлүүлэхээр болсон байна.
Эх сурвалж: www.assa.mn
