Төрийн соёрхолт, УДЭТ-ын ерөнхий найруулагч Н.Наранбаатарын шинэ уран бүтээл "Сүүлчийн шөнө" уран сайхны кино энэ сарын 10-нд нээлтээ хийж үзэгчдийн хүртээл болох гэж байгаа билээ. Тэрбээр СГЗ Ш.Гүрбазарын хүний амьдралын гурван үеийн хайр дурлалыг харуулах бөгөөд анхны хайр, амьдралд ямар үнэ цэнэтэй, хүний амьдралыг тэтгэгч хүч нь болсон хайр, зүрх бүхний гүнд удаан оршиж байдгийг өгүүлэх зохиолоос сэдэвлэн тус кино юм байна.
Киноны голд дүрд Төрийн соёрхолт, Гавьяат жүжигчин Ц.Төмөрбаатар, Гавьяат жүжигчин Н.Батцэцэг, Соёлын тэргүүний ажилтан О.Оюун, С.Болд-Эрдэнэ, О.Гэрэлсүх, Н.Отгонтогос, УДЭТ-ын жүжигчин М.Тогтохжаргал, Баярмаа, залуу жүжигчин Т.Билэгжаргал, Н.Мөнгөнсүх, О.Дөлгөөн нар тогложээ. Ийнхүү үзэгчдийн дунд хүлээлт үүсгээд буй “Сүүлчийн шөнө” уран сайхны киноны албан ёсны хэвлэлийн хурал өнөөдөр "Монгол ньюс" мэдээллийн төвд 12:20 минутаас зохион байгуулагдана. Тэрбээр хэвлэлийн хуралд киноны уран бүтээлчид бүрэн бүрэлдэхүүнээрээ оролцохын зэрэгцээ хүрэлцэн ирсэн сэтгүүлчдэд энэ сарын 10-нд болох албан ёсны нээлтийн урилга, мандатыг олгоно.
Эрхэм сэтгүүлчид та бүхнийг хэвлэлийн хуралд хүрэлцэн ирэхийг урьж байна.
www.URLAG.mn