Жүжигчин Дакота Жонсон болон дуучин Machine Gun Kelly нарын харилцаа сүүлийн үед улам ойртож байгаа гэх мэдээлэл Холливудын хэвлэлүүдээр гарч байна.
Тэд өмнө нь танил байсан ч Тейлор Свифт, Трэвис Келси нарын долдугаар сарын хуримын үеэр илүү дотноссон гэх мэдээллийг ойрын эх сурвалжууд өгчээ. Үүний дараа тэд байнга харилцаж, хэдэн сарын турш харилцаагаа олны анхаарлаас хол байлгасан байна.
Есдүгээр сарын 12-нд Жонсон, MGK нар Нью-Йорк хотод хамт харагдсанаар тэдний талаарх болзооны цуурхал эрчимжсэн юм. Мөн есдүгээр сарын 22-нд Миланы загварын долоо хоногийн “Vogue World” арга хэмжээнд MGK тайзан дээр алхах үед Жонсон үзэгчдийн дунд байжээ.
Есдүгээр сарын 29-нд “Elle”-д ярьсан эх сурвалжийн мэдээлснээр Дакота Жонсон харилцааг эхлүүлэхэд эхний алхмыг хийсэн бөгөөд хоёр биедээ их татагдсан ч одоогоор харилцаандаа албан ёсны нэр өгөөгүй, “юу болохыг харж байгаа” аж.
Гэхдээ Дакота Жонсон өөрөө тэднийг үерхэж байгаа гэдгийг батлаагүй байна. Тэрбээр саяхан “Vogue”-ийн подкастад хувийн амьдралынх нь талаар гардаг цуурхлыг байнга залруулах сонирхолгүй гэдгээ хэлжээ.
