Соёл урлагийн их сургууль, Улсын драмын эрдмийн театрын хамтран хэрэгжүүлж буй ажлын байранд суурилсан “Жүжиглэх урлаг” хөтөлбөрийн Г.Доржсамбуугийн нэрэмжит ангид амжилттай суралцаж буй 2В ангийн оюутан Гүндсамба овогтой Дуламжавд тэтгэлэг гардууллаа.
Тэрбээр авьяас билгээ дайчлан, мэдлэг, ур чадвараа тасралтгүй хөгжүүлж, суралцах үйл явцдаа идэвх санаачилгатай оролцон, анги хамт олондоо үлгэр дуурайлал үзүүлэн амжилттай суралцсан тул нэрт найруулагч, жүжигчин, сурган хүмүүжүүлэгч Г.Доржсамбуугийн үр хүүхдүүдээс 3,000,000 (гурван сая) төгрөгийн тэтгэлгийг гардуулан өглөө.
Энэхүү тэтгэлэг нь Г.Доржсамбуу найруулагчийн мэргэжлийн ур чадвар, бүтээлч сэтгэлгээ, шавь нараа дэмжин хөгжүүлдэг эрхэм үйлсийг үргэлжлүүлэхийн зэрэгцээ залуу уран бүтээлчдийг сурч хөгжихөд нь дэмжлэг үзүүлэх ач холбогдолтой юм.
