"Bee Gees" хамтлагийн “Tribute” тоглолт буюу хүндэтгэл үзүүлэх тоглолтыг өнгөрсөн жилийн 9-р сард "Sweetymotion" хамтлаг, Төгөлдөр хуурч Б.Чинбат, "Шар айраг" хамтлаг нар "Соёлын Төв өргөө"-нд хийж сонсогч фенүүдийнхээ талархлыг хүлээсэн билээ. Тэгвэл уншигч түмэндээ дахин баяртай мэдээлэл дуулгахад өнгөрсөн жилийн тоглолтыг уран бүтээлчид нь бүрэн бүрэлдэхүүнээрээ энэ сарын 19-ны 19:00 цагаас"Соёлын Төв өргөө"-нд дахин ганцхан удаа тоглохоор болжээ.
Тэрбээр диско ритм, гурван хоолойн гайхамшигтай хослолоороо алдаршсан "Bee Gees" хамтлагийн бүх цаг үеийн дуунуудаас хамгийн шилдгүүд нь эгшиглэн амьд тоглогдох тус тоглолтод "Words", "How Deep Is Your Love", "Spirits Having Flown",”Night fever", "You should be dancing", "Too much Heaven" зэрэг гайхалтай уран бүтээлүүд багтжээ.
Сонирхуулахад хамгийн анх удаа "Pay-per-view" тоглолт буюу тоглолтыг тоглогдож байх тухайн үед нь шууд "Univision"-ны 88 дугаар сувгаар төлбөрөө төлөн үзэх шууд боломжтой гэнэ шүү. Түүнчлэн тоглолт яг цагтаа 19:00 эхлэх бөгөөд билетийн үнэ партер 40.000, бельтаж 20.000 төгрөгөөр зөвхөн "Соёлын төв өргөө"-ний билетийн кассаар худалдаалагдах ажээ.
www.URLAG.mn
