“Луни Тюнз” хүүхэлдэйн киноны Багс Банни, Даффи Дак зэрэг алдартай дүрүүдэд дуу оруулдсанаараа танигдсан жүжигчин Эрик Баузa 46 насандаа таалал төгсжээ.
Эрик Баузaгийн гэр бүл түүний нас барсан тухай мэдээллийг 2026 оны аравдугаар сарын 25-нд олон нийтэд мэдэгдсэн байна. Тэрбээр хүүхэлдэйн киноны дуу оруулалтын салбарт олон жил ажиллаж, дэлхийн үзэгчдийн сайн мэдэх дүрүүдийг амилуулсан уран бүтээлч байв.
Канад гаралтай Америкийн дуу оруулагч Баузa нь Багс Банни, Даффи Дак, Порки Пиг зэрэг “Warner Bros.”-ийн “Луни Тюнз” цувралын дүрүүдэд дуу оруулснаараа алдартай. Тэрбээр мөн олон төрлийн хүүхэлдэйн кино, телевизийн бүтээлд ажиллаж, дуу оруулагчийн ур чадвараараа салбартаа танигджээ.
Баузa өмнөх үеийн алдартай дуу оруулагчдын уламжлалыг үргэлжлүүлэн, сонгодог дүрүүдийг шинэ үеийн үзэгчдэд хүргэхэд чухал хувь нэмэр оруулсан юм.
Мэдээллүүдэд дурдсанаар, тэрбээр даралт ихсэлттэй холбоотой зүрх судасны өвчний улмаас гэртээ нас баржээ.
Эрик Баузaгийн уран бүтээл хүүхэлдэйн киноны олон үеийн үзэгчдийн дурсамжид үлдэх бөгөөд түүний дуу оруулсан дүрүүд дэлгэцээр дамжин цаашид ч үзэгчдэд хүрсээр байх юм.
