Өчигдөр Хэвлэлийн Хүрээлэн дээр болсон нийт хэвлэл мэдээллийн 25 байгууллагыг оролцуулсан “Бид гэртээ ирлээ” хэвлэлийн бага хуралд ССАЖЯ-ны дэргэдэх“ Палеонтологи, археологийн музейн шинэчлэл” төслийннэгжийн удирдагч С. Урантөгс, төслийн ОНХА-ны ажилтан М. Мөнхтуяа, Нийслэлийн Замын Цагдаагийн газрын хөдөлгөөн Зохицуулах хэлтсийн дарга Хурандаа Б.Батболд нар оролцлоо.
С. Урантөгс: 2014 оны 10 дугаар сарын 22-ны 19 цагт Туушин компаны хяналтын талбай дээр АНУ-аас 2 сарын турш тээвэрлэгдэн ирж буй Монголын соёлын өв 22 үлэг гүрвэлийн олдворуудыг хүлээн авах ёслолын үйл ажиллагаа болно.
М. Мөнхтуяа: Энэхүү соёлын өвийг тээвэрлэх, даатгах, бүртгэх, хүлээн авах, үзэсгэлэн зохион байгуулах зэрэг үйл ажиллагаанд үндэсний компани болох Туушин компани, Бодь даатгал, төрийн болон соёлын байгууллагаас Нийслэлийн Цагдаагийн газар, УБ хотын Гаалийн газар, Үлэг гүрвэлийн төв музей зэрэг олон байгууллагууд хамтран ажиллалаа. 10 сарын 31-ны баасан гаригт Үлэг гүрвэлийн төв музейд үзэсгэлэн зохион байгуулагдана.
Б.Батболд: Монголын соёлын түүхэндэх тэмдэглэлт энэ үйл явдалд дан ганц соёлын асуудал эрхэлсэн байгууллага биш Хууль зүйн яам хамтран оролцож байгаадаа баяртай байна гээд Туушингийн хяналтын бүсээс үзэсгэлэн гаргах байр хүртэл хэрхэн тээвэрлэх, хамгаалалтад Нийслэлийн Замын Цагдаагийн газраас хэрхэн хөдөлгөөн зохицуулалт хийх талаар ярьлаа.
