УДБЭТеатртТөрийн хошой шагналт, Ардын жүжигчин Л.Мөрдоржийн "Хөхөө Намжил" дуурийн шинэчилсэн тавилтын нээлтийн тоглолтыг 2014 оны 11 сарын 01,02-ний өдрүүдэд хийх гэж байна.
Энэхүү бүтээл ньУДБЭТ-ын хүүхэд залуучуудад зориулсан үндэсний сонгодог бүтээлийн урын санг баяжуулж байгаа төдийгүй ямар ч насны, аль ч улс үндэсний үзэгч үзэх боломжтой уг дуурийг театрын хамт олон “аялал жуулчлалын брэнд бүтээл” болгохоор зорьж байгаа юм.
Уг дуурийн цомнолыг Төрийн шагналт зохиолч Л.Ванган, Ч.Чимид нар ард түмний дунд түгэн дэлгэрсэн "Хөхөө Намжилын домог"-оос сэдэвлэн дуурийн цомнолыг бичсэн бөгөөд 1961 онд анх тайзнаа тавьж, 1998 онд сэргээж байсан юм.
Харин энэ удаа ССАЖЯамны СУХСангийн санхүүжилтээр найруулга, тайз, хувцсыг бүрэн шинэчлэж байгаа юм. Уг дуурийг МУАЖ А.Дашпэлжээ найруулж, хөгжмийн редакцийг МУУГЗ ерөнхий удирдаач Н.Туулайхүү, Төрийн шагналт хөгжмийн зохиолч С.Соронзонболд нар хийж, СТА Ц.Мөнхболд удирдах ажээ. Мөн ерөнхий хормейстер Н.Дашбямба, ерөнхий балетмейстер Д.Дашлхагва нар ажиллаж найрал дуу, бүжгүүдийг нь шинээр найруулан бэлтгэж байна.Ерөнхий зураачаар СТА Г.Ганбаатар ажиллан өвөрмөц шийдэлтэй тайз бүтээж байгаа бөгөөд хувцасны зураач Г.Оюун 100 шахам хувцасны дизайныг шинэчлэн хийжээ.
Хөгжмийн найруулгыг шинээр хийхдээ дутаж үрэгдсэн нотуудыг нөхөж хийх, Л.Мөрдоржийн туурвисан хөгжмүүдээс нь нэмж чимэглэн партитура, клавирыг шинэчлэн нэгтгэж шивж цэгцэлсэн нь цаашид энэхүү бүтээлийг театрын тогтвортой тоглох боломжийг бүрдүүлж байгаа юм.
Шинэчилсэн тавилтын гол дүрүүдэд залуу гоцлооч М.Даваадорж, Б.Батжаргал, Б.Энхнаран, Ц.Арюна, СТА Ш.Наранчимэг, М.Дариймаа, А.Сайнбаяр, Э.Анхбаяр, МУГЖ, Э.Амартүвшин зэрэг уран бүтээлчид тоглох гэж байна.
