Хүйтнийг хүйтэн гэхгүй майханд хоноглож, хөгжөөнт тоглоомоор бөмбөгдүүлэн мини хөтөлбөрт хамрагдаж танилын хүрээгээ тэлэх явган аялал хүлээж байна. Аялалд оролцох залуус 6, 6-гаар галын зохион байгуулалтад орж майхан, мишок, хоол хүнсээ базаахаас гадна найз нөхдөөрөө нийлж нэг баг болж болох аж.
Ингээд явахаар шийдсэн бол танд +1 гэсэн коммент бичих л үлдлээ шүү. Зарагдсан барааг буцаахгүй гэж лангуун дээр байдаг шиг +1 гэсэн л бол танд ухрах араа гэж байхгүйг анхаараарай. Аравнэгдүгээр сарын 1-нд МЗХ-ны байрны үүднээс 09:00 цагт аялал эхэлнэ. Цагаа бариагүй аялагч хоцорсон таван минут тутамд бусдадаа иштэй чихэрний өрөнд орохыг анхаарууллаа. Ямар нэгэн асуудал гаргахгүйн үүднээс аялал эхлэх, автобусанд суух үед сонирхолтой гэрээ хийгдэх гэнэ. Аяллын бүртгэл энэ сарын 28-нд дуусах юм байна. Аялалд оролцох эрхийн хураамжаа төлж, дугаарлалт бүхий мандат авах нь. Тус мандат таныг азтай аялагч болгох магадлалтай юм байна шүү. Тиймээс МЗХ-ын байрнаа ирж бүртгүүлээрэй.
