Монгол Улсын Ерөнхийлөгчийн ивээл дор, Монголын байгалийн гэрэл зурагчдын нийгэмлэгээс зохион байгуулсан байгалийн гэрэл зургийн олон улсын уралдааны шүүгчдийн дүн гарчээ.
Өнөө жилийн байгалийн гэрэл зургийн олон улсын уралдааны шилдгийн шилдэг бүтээлээр гэрэл зурагчин М.Ганзоригийн “Түүний жигүүр дор” бүтээл шалгарлаа.
Уралдаанд ирүүлсэн бүтээлүүдээс шилдгүүдийг шалгаруулсан бөгөөд шагналт болон онцлох бүтээлүүдийг олон нийтэд толилуулах үзэсгэлэнгийн нээлт 2026 оны арваннэгдүгээр сарын 27-ны өдөр “Norphei” арт галерейд болно.


