Анх 2009 онд дэлгэцнээ гарч байсан адал явдалт, гэмт хэрэг, триллер төрлийн “Fast and Furious” киноны үргэлжлэл хийгдсээр өнөөг хүрээд байгаа билээ. Харин тус киноны долдугаар анги ирэх 2015 онд нээлтээ хийхээр төлөвлөсөн юм.
Тэгвэл тус кино багийнхан үзэгчиддээ анхны трэйлерээ хүргэж эхэллээ. Уг киноны зураг авалт үргэлжилж байх хугацаанд хандивын аянд оролцоод буцах замдаа харамсалтайгаар таалал төгссөн жүжигчин Paul Walker-ын хамгийн сүүлд тоглосон тус кино энэ удаад өөр нэрээр дэлгэцнээ гарахаар болсон юм. Киноны нэр нь “Furious7” юм.
Найруулагч James Wan-ы найруулж, Chris Morgan, Gary Scott Thompson нарын хамтран зохиолыг нь бичсэн тус киног “Universal Pictures”, “Relativity Media”, “Dentsu” кино компаниуд хамтран бүтээжээ.
Дүрүүдэд өмнөх ангид мөн тоглосон жүжигчин Dwayne Johnson, Jason Statham, Paul Walker, Lucas Black болон Vin Diesel, Michelle Rodriguez нар тоглосон байна. Адал явдлаар дүүрэн тус киноны долдугаар анги болох “Furious7” ирэх 2015 оны дөрөвдүгээр сарын 3-нд Америкт нээлтээ хийх төлөвлөгөөтэй байна.
“Furious7” кино анхны трэйлерээ хүргэж байна.
Г.Даша
