Хошин урлагийн шилдгийн шилдгүүд хуран чуулсан намар цагийн нэгдсэн шоу тоглолт "UB Palace"-ийн концертын их танхимд танхим дүүрэн үзэгчидтэйгээр амжилттай болж өндөрлөлөө.
Үзэгчдийн хүлээлтийг тайлсан хошин урлагийн нэгдсэн тоглолтонд "Шинэ үе" продакшн, "Шилдэг өнгө" продакшн, "Х Түц" продакшн, "Мөрөөдлийн театр", "Эмоци" продакшн, "Чапи & Суурь" нар бүрэн бүрэлдэхүүнээрээ оролцож, хошин урлагт хайртай үзэгч түмэнтэйгээ нэгэн оройг инээд хөөрөөр дүүрэн өнгөрүүлсэн юм. Сүүлийн хэдэн жилдээ л ийм олон үзэгчдээр дүүрч байгаагүй "UB Palace"-ийн концертын их танхимын жаварыг дуу хуур, инээд хөөрөөр дүүргээд авсан "Урлаг.мн" сайтын таван жилийн ойд зориулсан тус тоглолт үзэгчдийг ёстой л нэг байлдан дагууллаа.
Түүнчлэн шоу тоглолтын хөтлөгчөөр "Захиалгат инээд" хамтлагийн авьяаслаг уран бүтээлч Мөөжиг буюу Ө.Мөнх-Эрдэнэ, урилгаар олны хайр, хүндэтгэлийг хүлээсэн дуучин, МУГЖ Т.Ариунаа, "Увертюра" хамтлагийнхан оролцож, хүрэлцэн ирсэн эрхэм зочдынхоо сонорыг мялаасан юм.
Ингээд та бүхэндээ танхим дүүрэн инээд хөөр бялхсан "Хошин урлагийн нэгдсэн тоглолт"- ын фото сувалжлагыг хүргэж байна.
www.URLAG.mn