Монгол Улсын Соёлын тэргүүний ажилтан, хөтлөгч, дуучин Х.Болор-Эрдэнэ “Сэтгэлээс урсах үг, аялгуу” нэртэй уран бүтээлийн тайлан тоглолтоо хийхээр болжээ. Урлагийн ертөнцөд хэдийнэ өөрийн гэсэн байр суурь, орон зайг бий болгосон авьяаслаг бүсгүй маань үзэгч олны хайр хүндлэлийг хүлээж яваа чадварлаг уран бүтээлч гэдэгтэй хэн бүхэн санал нийлэх биз ээ.
Хөтлөгч, дуучин Х.Болор-Эрдэнэ энэ сарын 28-нд Монгол бөхийн өргөөнд зохион байгуулах уран бүтээлийнхээ тайлан тоглолтод зориулан урын санд нь багтсан шилдэг дуунуудаа дээжлэн хүргэхээр зэхсэн гэнэ. “Аз жаргал, баяр хөөр, дуу хууртай амьдар. Учир нь энэ өдөр дахин эргэж ирэхгүй” хэмээн үзэгч, сонсогчиддоо илгээсэн сэтгэлийн цацлаа тэрбээр ийнхүү дуун хадаг болгон эгшиг аялгуугаар уулзах нь. Адтай басхүү авьяаслаг уран бүтээлч гэгдээд байгаа хөтлөгч, дуучин Х.Болор-Эрдэнийн “Сэтгэлээс урсах үг, аялгуу” тоглолт сонирхол татам олон сюрприз, уянгалаг сайхан дуунуудаар дүүрэн болох нь тодорхой биз ээ.
www.URLAG.mn
