Саяхан Улаанбаатар чуулгын тайзнаа гранж-рок “Нисванис” хамтлагийнхан анплаггед буюу амьд тоглолтоо үзэгч фэнүүддээ өргөн барьсан нь тэдний үүсгэн байгуулагдсан цагаас хойш анх удаа нэгэн дээд амжилтыг тогтоожээ.
“Нисванис”-ын концерт эхлэхээс өмнө Хүүхэд, залуучуудын соёлын төвийн үүдэнд битүү хүмүүс дүүрч, стильдээ үнэнч залуус хайртай хамтлагийнхаа дууг сонсож, нэгэн үдшийг жаргалтай сайхан өнгөрүүлэх гэж Дархан, Эрдэнэт, Хөвсгөлөөс олон залуус ирсэн тухай мэдээлэл тэр дороо л фэнүүдийнх нь дунд таржээ.
300 ширхэг хэвлэгдсэн тасалбар нь дороо дуусаж, үүдэнд зогссон зарим нэг овсгоотой залуус 20.000 төгрөгийн үнэтэй тасалбараа шууд 30.000-д бэлэндэж байгаа харагдав.
Хамгийн анх “Нисванис” хамтлагийнхан Эрдэнэтийн Соёлын ордонд тоглолтоо хийхэд тавхан ширхэг тасалбарыг хамаатнууд нь авч байсан түүх одоо улиг болж, ямартай ч хамтлагийн ахлагч Амгаа шатах болов уу гэдэгт санаа зовохоо больж байх шиг ээ.
Эх сурвалж www.wikimon.mn
