Монголын залуучуудын холбооны дэргэдэх “Залуу эмэгтэйчүүд” клуб ДОХ-той тэмцэх дэлхийн өдрийг тохиолдуулан өнөөдөр үзэгчдэд “Лаа” сэтгэхүйн эротик драмын жүжиг толилуулахаар бэлтгэж байгаа юм.
Энэхүү жүжгийн найруулагчаар Ж.Уранцацрал ажиллаж, гол дүрүүдэд М.Энхзаяа, Б.Тэлмэнпүрэв, Э.Мөнхдалай, Б.Хэрлэн нар тогложээ.
Уг жүжигт эмэгтэйчүүдэд тулгардаг олон саад бэрхшээл болон нийгмийн тодорхой хувийг эзэлдэг биеэ үнэлэгч хүүхнүүдийн бодит амьдралыг хөндөх юм байна. Биеэ үнэлэгч ч гэсэн хүн гэдгийг бусдад ойлгуулж, охид, бүсгүйчүүдийг буруу замаар орохоос сэрэмжлүүлэх ач холбогдолтой ажээ.
Жүжиг Тусгаар тогтнолын ордны их танхимд өнөөдөр, маргааш хоёр өдөр 19.00 цагт тоглоно.
