Дээрхийн гэгээнтэн Далай лам алдартай жүжигчин Ричард Гирийг хүлээн авч уулзлаа. 65 настай Ричард Гир анх 1978 онд Непалаар аялж яваад буддизмыг сонирхох болжээ.
Ричард нэг бус удаа чухам Далай ламын ачаар амьдралд итгэх итгэл нь бэхэжсэн гэж мэдэгдэж байсан билээ. Тэрээр "Далай лам бол ер бусын хүн, онцгой профессор, эцэг, хамгийн сайн анд. Тэр бол шашин, сэтгэл зүй, гүн ухаан гээд бүх системийг ажиллуулж чадсан гайхалтай жишээ. Тэд нийлээд бүхнийг өөрчилж чадна, юуг ч тэр. Мөрөөдөл бодит болон хэрэгжиж, гайхамшиг биелнэ. Хүмүүс өөрсдөө энэ гайхамшгийг хэрэгжүүлэх боломжтой" хэмээжээ.
