Хувцас загварын салбартаа тэргүүлэгчдийн нэг Италийн “Roberto Cavalli” брэндээс 2015 оны шинэ дүр төрхөөрөө реппер Ники Минажийг сонгожээ. Тэрбээр Италийн нэртэй брэндийн 2015 оны Хавар / Зуны коллекцийн сурталчилгааны компанит ажлуудын нүүр царайгаар ажиллах бөгөөд Лос Анжелес хотноо сурталчилгаа анхны гэрэл зургуудаа даруулсан байна.
Эдгээр зургийг Италийн гэрэл зурагчин Франческо Карроззини авсан бөгөөд сэтгэмж хийгээд Ники Минажийн брэндийг илэрхийлсэн төрх туйлын өвөрмөц болжээ. Загвар зохион бүтээгч Роберто Кавалли брэндийнхээ шинэ нүүр царайгаар чухам яагаад Ники Минажийг сонгох болсон шалтгаанаа ийн тайлбарласан юм.
Тэрбээр “Реппер Ники Минажийг сонгосон нь эмэгтэйчүүддээ хандаж маш хүчирхэг мессежийг өгөхийг хүссэнтэй минь холбоотой. Анзаараад байхад эмэгтэйчүүдийн олонх нь эцэг эхээс нь ганцхан түүнд л гэж заяасан цор ганц бөгөөд тэрхүү төгс бие галбиртаа сэтгэл дундуур явдаг шиг байгаа юм. Энэ үзэгдлийг халж биеэрээ зэвсэг хийж, ганцхан амьдрах насандаа элдвийг нууж хаасан биш харин ч бусдын харцыг булааж итгэл төгс амьдрах тийм л хувцас сонгож өмсөөсэй гэдгийг хэлмээр байна. Тийм ч учраас Ники Минаж бол төгс сонголт болж чадсан гэж үзэж байна.” хэмээсэн юм.
