“Хөхөө Намжил” уралдаант шоу төслийг UBS телевизээс санаачлан зохион байгуулж, хэрэгжүүлэх гэж байна. Морин хуурчдын дунд зохиогдох уг нэвтрүүлэгт 16-аас дээш насны бүх авьяастнууд оролцож болох бөгөөд 1-4 шатаар өрсөлдөн ялагчаа тодруулах ажээ.
Уралдааны нэгдүгээр байрын эзэн 10 сая төгрөг, хоёрдугаар байр долоон сая төгрөг, гуравдугаар байрын эзэн таван сая төгрөгийн шагналтай юм байна.
Хүн төрөлхтний соёлын их өв, морин хуур хөгжмийг олон улсын хэмжээнд түгээн дэлгэрүүлэх, морин хуурчдын авьяасыг дэмжих зорилготой энэхүү уралдааны бүртгэл ирэх сарын 15 хүртэл үргэлжлэх бөгөөд хилийн чанадад амьдарч байгаа монголчууд болон олон улсын авьяастнуудад ч нээлттэй аж.
