"Буруугүй буруутан" уянгын драмын жүжгийг өнөөдөр буюу нэгдүгээр сарын 5-ны 19.00 цагаас тоглоно.
Улсын Драмын эрдмийн театр өнгөрсөн жил долоон өөр найруулагч, долоон өөр жүжгийг үзэгчдийн хүртээл болгосон билээ. Тэгвэл энэ сард түүхэн жүжгүүдээ дахин тоглох гэж байна. Монгол Улсын Ардын жүжигчин А.Очирбатын зохиол Э.Ёндоншаравын найруулга “Буруугүй буруутан” уянгын драмын жүжгийг энэ сарын 5, 23, 24, 25-ны өдрүүдэд, Монгол Улсын Төрийн Соёрхолт, найруулагч Н.Наранбаатарын “Тэнгэрийн хүү” туульсын жүжгийг энэ сарын 17, 31-нд тус тус тоглох юм байна.
Мөн “Нора” сонгодог жүжгийг захиалгаар энэ сарын 7-нд , “Тамгагүй төр” түүхэн жүжгийг энэ сарын 18, 30-ны өдрүүдэд тоглох аж. Мөн хүүхэд багачууддаа зориулж “Тэмүүжин” хүүхдийн түүхэн жүжгийг энэ сарын 31-нд 11.00 цагаас тоглох юм байна.
www.URLAG.mn
