Хошин урлагийн эмэгтэй жүжигчдийн төлөөлөл болсон Г.Ундармаа уран бүтээлийн ажилдаа эргэн оржээ. Тэрээр дэлгэцийн уран бүтээлээр үзэгчидтэй уулзахаар зэхээд байгаа юм. Г.Ундармаа “U Film” студийн хоёр дахь кино “Тютю”-г тун удахгүй үзэгчдийн хүртээл болгохоор ажиллаж буй юм
Тютю гэдэг нь балетийн бүжгийн үеэр өмсдөг дэрэвгэр хормой юм. Хормой нь унжсан дан давхаргатай эсвэл дэрвийсэн олон давхаргатай байдаг. 1800-аад оны дунд үед хонх хэлбэртэй романтик даашинз илүү түгээмэл байсан бол 19-ээр зууны эцэст Тютю олны хүртээл болж байсан түүхтэй. Мэргэжлийн шүүгчид, бүжигчдийн техник чадвар, хөлний хөдөлгөөнийг ажиглах шаардлагатай болсноор Тютю үүссэн гэдэг.
Уг кинонд Гавьяат жүжигчин Б.Жаргалсайхан болон О.Гэрэлсүх, Г.Золбоот, Амбий буюу Ц.Батхуяг, Д.Бямбацогт нар тоглосон нь залуу жүжигчдэд илүү ихийг зааж сургасан гэнэ. Мөн Д.Ариунцэцэг зэрэг мэргэжлийн балетчин бүсгүйчүүд тоглосон байна.
Дашрамд сонирхуулахад “Тютю” кино багийн зүгээс “Миний тютю” гэрэл зургийн уралдаан зарлаж байгаа бөгөөд нэгдүгээр сарын 2-ноос эхлэн нэгдүгээр сарын 9-ны 13.00 цаг хүртэл уралдаанд гэрэл зургийг өөрсдийн фейсбүүк хуудсаараа авах юм. Уралдааны бүтээлийг шалгаруулахдаа хамгийн олон лайк, шейр цуглуулснаар нь шалгаруулах бөгөөд хамгийн өндөр үнэлгээ авсан гурван ялагчийг тодруулан “Тютю” киноны нээлтийн хос урилга, “After party”-нд оролцох хос урилгын эрхийн эзэн болох юм байна.
www.URLAG.mn