Кино урлагийн шагнал гардуулах нэр хүндтэй ёслолын ажиллагааны нэг “Алтан бөмбөрцөг” кино наадам өчигдөр болж өнгөрч шилдгүүдээ тодруулсан. Уг арга хэмжээний үеэр Хойд Солонгосын удирдагч Ким Чен Уныг элэглэн харуулжээ. Тус наадмын хөтлөгчид болох жүжигчин Тина Феу, Ами Похлер нар “Бидний баяр дээр баяр нэмэхээр Хойд Солонгосын удирдагч хүрэлцэн ирлээ” хэмээн хэлсэний дараагаар Хойд Солонгосын генералын хувцас өмссөн Чой Юунг Жа гэх эмэгтэй гарч ирэн “алга ташихгүй бол пуужин харвана шүү” гэж хэмээн элэглэжээ.
Харин “Алтан бөмбөрцөг” наадам болж дууссаны дараа Хойд Солонгосын Гадаад хэргийн яам “Алтан бөмбөрцөг”-ийн зохион байгуулагчдыг буруутган зэмлэсэн байна.
