УДБЭТ-ын хамт олон тоглолтын 52 дахь улиралдаа симфони хөгжим , дуу , бүжгийн холимог Гала тоглолтыг хэд хэдэн удаа хийхээр төлөвлөж байна. Үүний нэг нь 2015 оны 03-р сарын -08 ны өдөр тоглох “Тэнгэрлэг бүсгүй танаа” концерт юм.
Уг тоглолтонд УДБЭТ-ын урын санд байдаг дуурь , балетын бүтээлийн дээжээс , симфони найрал хөгжимд зориулсан дэлхийн болон сонгодог бүтээлээс , мөн дэлхийн болон монголын хөгжмийн зохиолчдын дууны шилдэг бүтээлүүдээс багтаан оруулах бөгөөд УДБЭТ-ын симфони найрал хөгжим , найрал дуу , балетын бүжигчид , гоцлол дуучид , бүрэн бүрэлдэхүүнээрээ оролцоно.
Дэлхийн үе үеийн бүх хөгжмийн зохиолчид , яруу найрагчид , уран зураачид бүсгүй хүний гоо сайхныг магтан дуулсан байдаг билээ. Тиймээс концертын хөтөлбөрт эмэгтэйчүүд , бүсгүйчүүдийн тухай бүтээлээс түлхүү оруулж Олон улсын эмэгтэйчүүдийн эрхийг хамгаалах өдрийн бэлэг болгож байна.
Билетийн үнэ 15000, 10000 , 8000 буюу үндсэн үнээрээ байгаа юм байна.
Та бүхэн Ээжийгээ , эгчийгээ , эмээгээ , найз бүсгүйгээ баярлуулах гайхалтай үдэш байх болно.
