Өнөөдөр аргын тооллын 2015 оны ;өрөвдүгээр сарын 08. Лхагва гараг. Билгийн тооллын XVII жарны "Галзууруулагч" хэмээгч модон хонин жилийн хаврын дунд шарагчин туулай сарын 19. Буд гараг. Онгоц одтой, таван шар мэнгтээй хөх бар өдөр. Өдрийн барилдлага Идэр. Шүтэн барилдлагаӨтлөх үхэхүй. Өдрийн наран 6 цаг 28 минутад мандан, 19 цаг 32 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сүм дуганыг сэргээх, амьлуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, тангарагаа буцаахад сайн. Гөлөг тэжээх, золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал “Сайн нөхөртэй учирах” сайн хэмээжээ.
* * *Өрнийн зурхай * * *
Хонь (3/21-4/19)
Онцгүй өдөр. Сэтгэл санаа тавгүйрхэнэ. Үл хөдлөх хөрөнгөтэй холбоотой асуудал үүсэх магадлалтай. Энэ нь гал түймэр, хулгай дээрэм ч байж магадгүй. Хүсээгүй зочид гэнэт хүрч ирэх нь танд таалагдахгүй байх. Элдэв маргаан хэрүүлээс зайлсхийхийг хичээ. Таныг шүүмжилсэн ч анхаарах хэрэггүй, тэсээд даваад гар. Эс тэгвэл том шуугиан дэгдэж ч болзошгүй. Магадгүй таны хөрөнгө оруулсан хувьцааны үнэ хэлбэлзэж сэтгэлийн таагүй байдалд орж болзошгүй. Үүнийг даван туулах сэтгэлийн асар их хүч танд байдаг бөгөөд энэ бүхэн удаан үргэлжлэхгүйг бодит байдал харуулна.
Үхэр (4/20-5/20)
Нэр хүнддээ анхаарах өдөр. Таныг өөрийгөө хуурах болон эрс бодлогогүй алхмаас шалтгаалж гэрээ хэлэлцээр тогтоох ба идэвхитэй харилцаанд таатай биш. Ааш зангаа өөрчлөх нь эсвэл хөнгөмсөг байдал загаснуудын нэр хүндийг унагаах эрсдэлд оруулна. Үхэрнүүд нь үүссэн асуудлыг засах гэж хичээснээрээ өөрийн нэрийг сэргээж чадна. Тэд нар байдлыг гартаа авч эхэлсэн ажлаа тайван үргэлжлуүлж чадна.
Хамтатгах (5/21-6/21)
Нээлт хийх өдөр. Бодол санаагаа цэгцэлж, эргэцүүлэл, бясалгал хийн ариусахад цаг зав гарга. Бусдын зөвлөгөөг бүү сонс. Таны хэт итгэмтгий, гэнэн зангаас болж, мөнгөний гарз хохирол гарах төлөвтэй. Танд нэр хүндээ алдах мэт санагдах боловч энэ зүгээр бодол байх бөгөөд цаашид юу хийж болох болохгүйг сануулсан туршилт. Эрсдэлтэй алхам хийх, биеийн хэт ачааллаас зайлсхий. Энэ бүхэн таны эрүүл мэндэд сөргөөр нөлөөлж мэднэ. Хайр сэтгэлд ан цав үүсэх магадлалтай. Та төгс амрагийн тухай мөрөөдлөөсөө болж, хайртай хүнээсээ салах вий.
Мэлхий (6/22-7/22)
Хариуцлагаа бусадтай хуваалцах нь багаар ажиллах арга барилын талаар сайхан сэтгэгдэл төрүүлэх болно. Оддын байрлал тийм ч таатай бус, таны эрүүл мэнд сайнгүй байх төлөвтэй. Бэртэл гэмтэл авах буюу архаг өвчин үгдрэх магадлалтай. Биеийн хүнд ажлаас зайлсхий. Хүмүүстэй харьцахаа хязгаарла, ялангуяа танихгүй хүмүүстэй. Шинэ ажил эхлэхэд саад тотгор учирч магадгүй. Тавьсан зорилгоо эргэн харж, өөрчлөх төлөвтэй. Хөл үймээн, их ажилд дарагдан хүч тамир доройтох шинжтэй.
Арслан (7/23-8/22)
Тогтвортой өдөр. Ажил хэргийн хамтрагчтай холбоо тогтоох, ирээдүйд танд ашиг орлого авчирах санаа бодлоо гүйцэлдүүлэх, өөрийн материаллаг байдлыг бэхжүүлэх үүднээс эрс шийдэмгий арга хэмжээ авахад таатай өдөр. Юу ч хийсэн, таныг амжилт аз хүлээж байна. Харин өөрийн хүч боломжоо хэт бүү үнэл, учир нь түүнд хэмжээ хязгаар бий. Үйл ажиллагааг эхлүүлэхийн өмнө урьдчилсан бэлтгэл ажилд хичээл зүтгэл, оролдлогоо чиглүүл, төвлөрүүл.
Охин (8/23-9/22)
Таатай өдөр. Бүх ажил хэрэг амархан бүтэж, мөнгө төгрөгтэй холбоотой асуудлууд хэсэг хугацаагаар хойш тавигдана. Та их өндөрт байж, та бүхнийг хийж чадна. Юм бүхэн таны хүчин дор байна. Гэрээ хэлэлцээр байгуулах бичиг цаас янзалж бүрдүүлэх, мөнгө санхүүтэй холбоотой ажил болон хурим найр хийх, хүүхэдтэй болоход сайн өдөр. Шагнап хүртэх, бэлэг сэлт авах, аль эсвэл сугалаанаас хонжвор хожих магадлал өндөр байна.
Жинлүүр (9/23-10/22)
Ачаалалтай дотоод сэтгэл санаа дахин төрөх эсвэл эргэлзээгээ давахтай холбоотой өдөр. Бүх ажилд болгоомжтой байж урьдчилж харах хэрэгтэй. Зөн билэгтээ найдсаны хэрэггүй, таны найддаг ойрын улсуудын саналыг анхааралтай сонс, тавьсан зорилгодоо хүрэхийн тулд томоохон зүтгэл гарга. Оройг гэртээ, гэр бүлийн хүрээнд өнгөрөө.
Хилэнц (10/23-11/21)
Эрсдэлтэй өдөр. Өнөөдөр таны хувьд найз нөхдийн тань зарим нэг санал, өөрийн бодлогогүй байдал санхүүгийн алдагдалд хүргэж мэднэ. Харин төсвийн ажилчид өөрийн ажилдаа их анхааралтай хандаж, ажилаа дахин дахин хянах хэрэгтэй. Хэрэв ямар нэгэн алдаа дутагдал гарвал таны нөр их хөдөлмөр, төлөвлөж байсан төлөвлөөгөөг чинь нурааж ч болохоор нөхцөл байдал үүсэхийг од эрхэс сануулж байна.
Нум (11/22-12/21)
Таатай байх өдрийн ганц таагүй зүйл нь ойр дотны хүрээллээс хэн нэгэнтэй үүсгэх хэрүүл маргаан байх болно. Ухаантай, аргатай байснаар хэрүүл маргааныг намжааж чадна. Хэрвээ танд боломж олдвол энэ өдрийг цэвэр агаарт өнгөрүүлээрэй. Өдрийн төгсгөлд айдас түгшүүр болон сэтгэл хангалуун бус байдлаас гарах болно. Өөрийнхөө эрүүл мэндэд анхаарлаа хандуулаарай.
Матар (12/22-1/19)
Хайр сэтгэлээ олж, мэдээ мэдээлэл хүлээн авч, биеийн хүчний ачаалал авах өдөр эхэлж байна. Орлогын шинэ эх үүсвэрийг хайх, өөр төрлийн ажил үйлчилгээ эхлүүлэх зэрэгт арвин амжилт үзүүлэх болохыг од гаригс танд амлаж байна. Аль хэдийн болж өнгөрсөн хэрүүл маргаан, салалт гомдлыг нэг хэсэгтээ эргэн дурсахын хэрэггүй. Энэ нь мэдрэлийн системд сөргөөр нөлөөлж, гэр бүлийн уур амьсгал, ая тухтай байдлыг эвдэх магадлалтай.
Хумх (1/20-2/18)
Идэвхгүй өдөр. Ганцаар бясалгал хийн оюуны асуудалд анхаарлаа төвлөрүүл. Муу санаатнуудын явуулга, буруу мэдээнээс болж, ажлын алдаа гаргах магадлалтай. Өөрийн болон ойр дотны хүмүүсийн эрүүл мэндэд санаа тавь гэж одод танд зөвлөж байна. Гарагуудын таагүй байрлалаас болоод таны сэтгэл санаа үе үе хямарч, мэдрэлийн ядаргаа тусч магадгүй байна. Тавьсан зорилгодоо хүрэхийн тулд та тайван, тэвчээртэй байж, зөв тооцоол.
Загас (2/19-3/20)
Тайван, идэвхигүй байх өдөр. Хамт олноосоо хэтэрхий тусгаарлагдах гэсний хэрэггүй. Хэрвээ та ямар нэг байдлаар бусдаас ялгарахыг хүсэж байгаа бол яарах хэрэггүй, үүнийг хийх боломж гарахгүй. Архаг хууч өвчин даамжирч хурцадна. Биеийн хүчний хүнд хүчир ажил хөдөлмөр хийх, хэт ачаалал авахгүй байхыг зөвлөж байна. Найз нөхдийн аль эсвэл, гэр бүлийн гишүүдийн хүрээнд та амгалан тайван, ая тухтай байдлыг олох болно.
