Монголын кино урлагийн "Оскар" болох "Mongolian Academy Awards-2015" шагнал гардуулах ёслол өчигдөр "Шангри-Ла" зочид буудалд амжилттай болж өндөрлөлөө.
Энэ үеэр нийт 18 номинацид уран бүтээлчдийг нэр дэвшүүлж шалгаруулсан юм. Тухайлбал, "Шилдэг эрэгтэй гол дүр"-ийн шагналыг "Аав" киноны дүрээрээ жүжигчин Ц.Цэрэнболд, "Шилдэг эмэгтэй гол дүр"-ийн шагналыг "Ар хударга" киноны дүрээрээ жүжигчин О.Долгор хүртсэн нь жинхэнэ нүдээ олсон шагнал хэмээн олон нийт өндөр үнэлгээг өгөөд байна. Ингээд "Академи" авардсын шилгүүдийг танилцуулъя.
"Шилдэг кино"-"Аав"
"Шилдэг эрэгтэй гол дүр"– "Аав" кино, Ц.Цэрэнболд
"Шилдэг эмэгтэй гол дүр"- "Ар хударга" кино О.Долгор
"Шилдэг найруулагч"-"Аав" кино, Г.Эрдэнэбилэг
"Шилдэг туслах эрэгтэй дүр"-"Ээж ээ надтай гэрлээч" кино, Б.Баттөр
"Шилдэг туслах эмэгтэй дүр"-"Хүдэн" кино, А.Цэгмэд
"Шилдэг дуу"-"Аюултай харилцаа" киноны дуу, Э.Агиймаа,
"Шилдэг хөгжмийн зохиолч"– "Амьдрал нулимсанд дургүй" кино, Б.Одбаяр,
"Шилдэг дууны найруулагч"– "Ар хударга" кино, Б.Баярхүү
"Шилдэг дебют кино"-"Тютю" кино, жүжигчин Г.Ундармаа
"Шилдэг баримтат кино"– "Тавилан" кино, СГЗ сэтгүүлч найруулагч Г.Золжаргал,
"Шилдэг богино хэмжээний кино"– "Уулын эзэн" кино, У.Пүрэвжав,
"Шилдэг монтаж"-"Учрал" кино, Д.Төгсбаяр,
"Шилдэг дүрсний эффект"-"Хүүхэлдэй" кино, Ч.Түвшинтөгс
"Шилдэг хөрөнгө оруулагч"-"Сүүлчийн шөнө" кино, Б.Дэлгэрсайхан нар хүртсэн юм.
www.urlag.mn
