Бүгд найрамдах Хятад ард улсын зохиолч Зян Рунд дэлхийн монгол зохиолчдын холбооноос утга зохиолын дээд гардууллаа. Түүний бичсэн “Чонон сүлд” роман нь дэлхийн 32 оронд хэвлэгдэж, 70 гаруй оронд кино болон үзэгчдэд хүрчээ.
Дэлхийн Монгол Зохиолчдын Холбоо нь дэлхий даяар тархан суурьшсан, Монгол гэсэн сэтгэлтэй, элэг нэгтэй зохиолчдыг нэгтгэсэн холбоо юм байна. Энэ холбооны анхны үйл ажиллагаа, шагнал гардуулах ёслолын арга хэмжээ өчигдөр болсон юм. Тус холбооны дээд шагнал болох Бичгийн мэргэн хэмээх шагнал нь дэлхийн хүн төрөлхтний ёс зүй, хүний хүмүүжилд үр нөлөөгөө үзүүлсэн зохиолчдод очих юм байна. Бичгийн мэргэн шагналын анхны эзнээр БНХАУ-ын зохиолч Чонон сүлд романы зохиолч Зян Рунд олгохоор шийдвэрлэсэн юм.
Зохиолч Зян Рун өөрийн биеэр хүрэлцэн ирж амжаагүй ч түүний шагналыг зохиолчийн дотнын анд, зураач Чэнь Зи Цюнь гардаж авлаа. Дэлхийн монгол зохиолчдын холбооны Ерөнхийлөгч Ц.Хулан хэлэхдээ "2014 онд анх орчуулагдан хэвлэгдсэн Чонон сүлд роман нь өнө удаан жилийн түүхтэй манай хоёр орны утга зохиолын харилцаанд шинэ өнгө, гэрэл нэмсэн төдийгүй, уншигч олны зүрх сэтгэлийг байлдан дагуулж чадсан чанартай, сайн бүтээл гэдэг нь одоогийн байдлаар дэлхий дахинаа утга зохиол, дэлгэцийн ертөнцийн үзэгдэл болсон байгаагаас нь харагдаж байгаа гэдгийг үзэгч нэгт уран бүтээлчид, урлаг судлаачид онцолж байна" гэжээ.
МУСГЗ, зохиолч Д.Цэнджав, Урлаг судлаач С.Майжаргал нар хэлэхдээ "Дөрвөн жилд нэг удаа олгох тус нэр хүндтэй шагналын анхны эзэн нь Зянь Рун болж байгаа юм "Чонон сүлд" романыг Монголын нэрт судлаач Д.Болдбаатар орчуулж, "Дэлхийн сонгодог зохиол" цувралын 51 дэх ном болон хэвлүүлсэн байна. Энэхүү роман хураангуй, дэлгэрэнгүй, хүүхэд залуучуудад зориулагдсан гурван хувилбартай юм. Өнгөрсөн хавар уг зохиолоор Францын нэрт найруулагч Жан Жак Анно "Чонон сүлд" уран сайхны кино бүтээж, гол дүрд нь Монголын жүжигчин Р.Анхням тоглосон" гэсэн юм.
