Монгол Улсад үндэсний кино урлаг үүсч, хөгжсөний 80 жилийн ойг тохиолдуулан “Монгол Хүү” сэдэвт эрдэм шинжилгээний бага хурал өчигдөр буюу арваннэгдүгээр сарын 10-нд боллоо
Монголын кино урлагийн үүсэл хөгжлийг тодорхойлох, Монголд кино урлаг нэвтэрсэн түүхэн он цагийн улбааг судлах, мэргэжлийн уран бүтээлч судлаачдын судалгаа, шинжилгээгээр дамжуулан киноны ач холбогдлыг таниулах, оюутан залууст сурталчлах зорилгоор уг хурлыг зохион байгуулж байгаа аж.
Энэ нь Монголын кино сэдэвт анхны эрдэм шинжилгээний бага хурал бөгөөд дараах илтгэлүүдийг хурлын үеэр тавьлаа Үүнд,
Монгол кино нэгтгэлийн захирал Ж.Солонго – “Монгол хүү” киноны түүхэн ач холбогдол,
МУСГЗ, ШУ-ны доктор С.Лочин – “Монгол хүү” кино ба Монгол киноны түүхийн зарим асуудал,
МУАЖ, найруулагч Б.Мөнхдорж – “Шороотын Цэвээн буюу Монгол жүжигчид”,
МУАЖ, кино найруулагч Г.Жигжидсүрэн – “Монгол хүү” киноны зохиол,
Төрийн шагналт, хөгжмийн зохиолч, урлаг судлалын ухааны доктор С.Соронзонболд – “Монгол хүү” киноны хөгжмийн зохиолчийн асуудал,
Судлаач, инженер С.Батчулуун – “Монгол хүү” Монголын кинонд нөлөөлсөн нь сэдвээр илтгэл тавих юм байна.
