Нойр дутуу, амралт бага үед толинд харахад хамгийн түрүүнд нүдний доогуур царай муутай хөх туяа бидэнтэй мэндчилдэг. Тэгвэл тэр хөх туяаг байгалийн аргаар эмчлэх хэд хэдэн энгийн аргыг танд зөвлөж байна.
1. Ямар үед ийм хөх туяа үүсэж байгааг зөв тодорхойлох
Нэн ялангуяа хавар, намарын улиралд хөх туяа үүсэх тохиолдол их байдаг учраас та яг ямар үед ийм туяа тодорч байгааг зөв тодорхойлох хэрэгтэй. Хэрэв улирлын шинж чанартай үүсэж байгаа тохиолдолд бага зэрэг Кортизон-10 хэмээх тосыг өөрийн хэрэглэдэг зовхины тостой хавсарч хэрэглэх нь өндөр үр дүнг үзүүлдэг.
2. Өдөрт заавал найман цаг унтаж амар
Ажил амралтаа сайтар зохицуул. Бага нойр нүдний эргэн тойрны цусны судсуудыг тэлж, улмаар доод зовхинд үр дүндээ шууд харуулдаг. Ийм учраас та ямар ч завгүй байсан ажил амралтаа заавал зохицуулж, өдөр бүр найман цаг унтаж амраарай.
3. Чийгшүүлэх үйлчилгээтэй тос хэрэглэж, өглөө орой бүр тосоо түрхэж хэвш
Доод зовхи нүүрний арьснаас илүү нимгэн, эмзэг байдаг учраас тусгай арчилгаа шаардлагатай байдаг. Иймд та өглөө босож нүүрээ цэвэрлээд хурууны өндгөөр доод, дээд зовхиндоо тосоо массажлан түрхээрэй.
4. Нарны хамгаалалтын тосыг бүү март
Өдрийн ихэнхийг та дотор өнгөрөөдөг байсан ч гэсэн нарны хамгаалалтын тос заавал хэрэглэж занш. Нарны хурц туяа нүдэнд хөх туяа үүсэх хамгийн том шалтгаануудын нэг учраас доод зовхинд түрхэж болохуйц зөөлөн тос сонгон авч, доод зовхиндоо ч бас түрхэх хэрэгтэй.
5. Зөв өнгийн өө дарагч сонго
Шаардлагатай тохиолдолд зөв өнгийн өө дарагч доод зовхиндоо түрхэх нь зүйтэй.
6. Шөнө унтахын өмнө заавал нүүрнийхээ будгийг арилга
Будаггүй унтах нь энгийн үгээр хэлвэл арьс бүхэлдээ амарч, бүрэн амьсгалах боломжийг олгож буй хэрэг юм. Ялангуяа шөнө унтахдаа нүднийхээ будгийг арилгаагүйгээс болж нүд ядарч, өглөө босоход хөх туяа үүссэн байдаг.
7. Шөнийн зовхины тос орой унтахдаа хэрэглэвэл илүү сайн
Орой унтаж, арьс бүрэн сэргэхийн өмнө аль болох л сайн амрах бүх бэлтгэлийг нь хангаж өгөх хэрэгтэй. Ийм учраас зовхиндоо ч бас анхаарал хандуулан, зөвхөн шөнө түрхдэг, зовхийг илүү сайн амраадаг тос сонгон хэрэглээрэй.
