Драмын урлагийн шилдгийг шалгаруулдаг “Гэгээн муза” олон улсын театрын их наадам анх 2003 онд зохион байгуулагдаж байсан бол өдгөө 13 дахь жилдээ зохион байгуулагдах гэж байна.
Тус наадам жил бүр хүрээгээ тэлж, аймаг орон нутгийн театрын бүтээлүүдийг сорихоос гадна олон улсын хэмжээнд зохион байгуулагдах болсон билээ. Харин энэ жилийн “Гэгээн муза” наадам Орхон аймгийн хүүхэд залуучуудын театраас шалгаруулалтаа эхэлжээ.
“Гэгээн муза” наадам 2006 оноос эхлэн “Улаан хивс”-ний баярыг зохион байгуулж, 2010 оноос “Хүүхдийн оролцоотой шилдэг бүтээл”-ийг шалгаруулан, 2013 оноос “Нэг хүний жүжгийн төрөл”-ийг бий болгон тухайн оноосоо олон улсын наадам болон өргөжсөн түүхтэй.
