Нарыг манддаг гэдгийг нотолхоор би унтаад сэрлээ
Нарнаас гал авч түнэр дунд барьж зогсоно гэрлээ
Намайг хазаж биш үнсэж тамладаг чиний амьсгал
Ахин илбий гэвч тэртээх өдрүүд хэтэрхий холдсон
Харж байна харц чинь яг хэвээрээ үлдэж дээ
Хацар нь халуу шатаж охин минь давчдана хөнжилдөө
Хол газар цаг хугацаа биднийг удаанаар тарчлаадаг байсан
ХоЁулаа цөхрөхгүй шүү гэж атгасан гарыг минь тавьсан
Нүүрэндээ сорви нэмсэн нь миний чадвар муугынх
Нүдэндээ шил зүүсэн нь чамд харуулахаас зовсоных
Магтах гээд матчихдагын үлгэрийг чи мэднэ
Эцэст өөрсдөө харамсахад хангалттай цагтай үлдлээ
дахилт : Сүүлийн удаа сүүлийн удаа
Сүүлийн дусал нулимсаа унагааж би инээмсэглэнэ
Чамайг жаргалтай байлгахын тулд
Наддээр ирэхгүй хүнийг хайрлаж хайргүй хүнтэйгээ цуг амьдарна
Rap 2
Замаас хазайхад минь чиглүүлж гишгэхэд минь шат болж
Дурсамжиндаа хорогдон бусдын нүдэнд ад болж
Инээсэн ч дотроо баясалгүй уйлсан хэдий ч нулимсгүй
Эргэж харахгүй амьдрах чадалгүй болсон хавцлын эрмэгт тулсан хүн
Хамгийн жаргалтай нэгэн болгоход чинь
Хэн ч надшиг мэдрээгүй гэж бусдыг азгүй тооцож
Хаа хүрэхээ мэдэхгүй хамт хөтлөлцөөд гүйсэн
Орь ганцаар орхигдох цагт энгийн төдий үгс хүртэл үнэ цэнэтэй
Санаач гуйя нэгэн цагт нэг хүн шиг байснаа
Чамд хүрч болдогсон бол холоос ч болов хараад буцнаа
Сайхан байсан би худал хэлж чадахгүй
Саяхан амьсгалж байсан би үхэж байгааг харахгүй байна уу
дахилт : Сүүлийн удаа сүүлийн удаа
Сүүлийн дусал нулимсаа унагааж би инээмсэглэнэ
Чамайг жаргалтай байлгахын тулд
Наддээр ирэхгүй хүнийг хайрлаж хайргүй хүнтэйгээ цуг амьдарна
