Малчид, ард иргэд, тээвэрчдэд зориулсан мэдээ:
30-нд нутгийн баруун хагаст, 1-нд ихэнх нутгаар бороо, уулархаг нутгаар нойтон цас орж нутгийн өмнөд хэсгээр салхи шуургатай байна.
2016 оны энэ сарын 30-наас тавдугаар сарын 4-нийг хүртэлх цаг агаарын урьдчилсан төлөв:
30-нд баруун болон төвийн нутгаар, 5-р сарын 1-нд ихэнх нутгаар, 2-нд зүүн зүгийн нутгаар бороо, уулархаг нутгаар нойтон цас орно. Салхи 30-нд ихэнх нутгаар, 1-нд нутгийн зүүн хагаст секундэд 18-20 метр, 3,4-нд Алтайн салбар уулс, Арц Богдын өвөр хоолойгоор секундэд 12-14 метр хүрч шороон шуурга шуурна. 30-нд нутгийн баруун хагаст, 1-нд ихэнх нутгаар сэрүүсч Хангай, Хөвсгөл, Хэнтэйн уулархаг нутаг, Туул, Тэрэлж, Хэрлэн, Халх голын хөндийгөөр шөнөдөө 2 градус хүйтнээс 3 градус дулаан, өдөртөө 8-13 градус, говийн бүсийн нутгаар шөнөдөө 3-8 градус, өдөртөө 15-20 градус, бусад нутгаар шөнөдөө 0-5 градус, өдөртөө 9-14 градус дулаан байна. 3-нд ихэнх нутгаар дулаарна.
