“Увертюра” хамтлаг “Төгсгөлгүй эхлэл” тоглолт, “Надад үлдсэн найз” мюзиклээрээ үзэгчдийг огшоож чадсан гэдэгтэй хэн ч маргахгүй бизээ.
Поп опера чиглэлээр уран бүтээлээ туурвиж сонсогч түмнийхээ сонорыг мялааж яваа залуус маань шинэ уран бүтээлийнхээ клипэнд сонсогч фенүүдээ урьж байна.
Тодруулбал, тус хамтлагийн “Сайхнаас сайхан эх орон минь” шинэ дуугаа дүрсжүүлэхдээ гадаадад ажиллаж, амьдарч, сурч байгаа ахан дүүсээ тоглуулах нээлттэй санал тавьж буй юм.
Клипэнд орохыг хүсэгчид “Сайхнаас сайхан эх орон минь” дууг даган дуулж байгаа дүрсээ бичүүлэх юм байна. Дараах зааврын дагуу клипэнд оролцоно.
- 1920*1080 HD форматтай
- Улс хотынхоо түүхийг болон дурсгалт газар бичлэгээ хийсэн байх бөгөөд тайлбарыг тодорхой бичиж ирүүлэх
- Бичлэгээ WeTransfer сайтаар шэйр хийж [email protected] гэсэн мэйл хаяг руу илгээх
- Дүрсэнд орж байгаа хүмүүсийн тоо олон байх, бичлэгэнд дуугаа бүтнээр нь явуулах
- Илүү дэлгэрэнгүй мэдээллийг Uvertura Hamtlag фэйсбүүкээс авах боломжтой
- Хугацаа 04-26-наас 05-20-ныг хүртэл дүрс бичлэгийг хүлээн авна
Та бүхэн хайртай дотны хүнтэйгээ, гэр бүлээрээ, найз нөхөдтэйгээ өөрсдийн дүрээ шинэ дууны клипэнд мөнхлөн үлдээхийг хүсвэл идэвхитэй оролцохыг уриалж байна.
