“Blue Moon” арт галерей ХХК нь 2012 онд байгуулагдан 4 дэх жилдээ үйл ажиллагаагаа амжилттай явуулж байгаа бөгөөд арав хоног тутамд мэргэжлийн уран бүтээлчдийн бүтээлүүдийг урлаг сонирхогчид болон нийт олонд толилуулдаг билээ.
Энэ хугацаанд уран бүтээлчдийг дэмжин ажиллаж тэдний уран бүтээлийн төсөл бичих, хэрэгжүүлэх аяны хүрээнд 200 орчим уран бүтээлчдийн бие даасан, нэгдсэн болон хамтарсан, мөн фото зургийн үзэсгэлэн арга хэмжээнүүдийг амжилттай зохион байгуулаад байна.
Тус галерей нь урлаг сонирхогчдын гоо сайхны таашаалыг нэмэгдүүлж, бүтээлийн мөн чанар, үнэ цэнийг мэдрүүлсээр байгаа бөгөөд үзэсгэлнгийн танхим өдөр бүр өглөө 09:00-с орой 24:00 хүртэл олон нийтэд үнэ төлбөргүй ажилладгаараа онцлог юм.
“Нүүдэл суудал” үзэсгэлэн нь өнөөд мартагдан буй монгол түмний нүүдэлчин соёлыг түгээн дэлгэрүүлж, өнөөгийн нийгэмд Нүүдэлчин өв соёл болон уламжлалыг сэргээн, суурьшмал соёл иргэншлийн ялгааг тодотгон харуулах юм. Уг санааг мэргэжлийн уран бүтээлчдийн өөр өөр өнцгөөс дүрслэн харуулсан 60 гаруй бүтээлүүдээс дээжилсэн нуудэлчин монгол үзэсгэлэн үзэгч олны мэлмийг баясгахад бэлэн боллоо.
Үзэсгэлэнгийн нээлт : 2016 оны 05-р сарын 05-ны 17:00 цагт нээгдэнэ.
Уг үзэсгэлэн 2016.05.05-15-ны хооронд “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 88850812 дугаарын утсаар лавлана уу.
