Калифорнийн In-N-Out хэмээх бургер рестораны байнгын үйлчлүүлэгч нэгэн эрийн зургийг Мадина Башизада хэмээх эмэгтэй Твиттер хуудаснаа нийтэлсний дараа 8000 хүн дахин жиргэжээ. Тэр эр талийгаач эхнэртэйгээ авахуулсан зургаа өмнөө тавиад ганцаараа хооллодог. Мадина түүнтэй ресторанд танилцаж, хайрын түүхийг нь яриулж, эхнэр нь таван жилийн өмнө нас барсан гэдгийг олж мэджээ.
Анх 17 насандаа танилцсан хосуудыг дайн бүтэн 10 жилийн турш тусгаарласан байна. Хайртай бүсгүйгээ тууштай эрж хайсан тэрээр нэгэн өдөр гэр бүлтэй болсныг нь үсчингээс олж мэдсэн ажээ. Гэхдээ тэд гэрлэж, эхнэрээ нас барах хүртэл хамт амьдарчээ. “Эхнэрийнхээ зургийг харахаар хажууд минь байгаа юм шиг санагддаг. Дурсамжуудаа эргэж санаад сайхан байдаг” гэж хөгшин эр ярьжээ.