14 эмэгтэйгээс 22 хүүхэдтэй болсон залуу халамжийн асуудлаас болж шүүхэд дуудагдсан талаар “Huffington post” мэдээллээ. АНУ-ын Теннисси мужийн 33 настай иргэн Орландо Шауд тохиолдсон энэхүү хэрэг нийслэл Нэшвилл хотын хамгийн өндөр өртөгтэй хүүхдийн халамжийн хэргийн нэгээр тодроод байна.
Орландо Шаугийн өмнөх хамтран амьдрагчид түүнийг шүүхэд өгч хүүхдийн халамжиндаа төлөөгүй арван мянган долларыг нэхэмжилснээр энэ хэрэг сөхөгджээ.
Тэрээр шүүх хурлын дараа сэтгүүлчдэд “Би бүх хүүхдүүддээ хайртай. Өөрийгөө ч сайн эцэг гэж боддог. Ганцхан хүүхдүүдийнхээ халамжийг хангалттай төлж чадахгүй байна” хэмээн ярьжээ. Мөн “Би залуухан бас хүсэл мөрөөдөлтэй. Хүүхнүүдэд хайртай, гэхдээ хүүхдийнхээ тоог алдчихсан байна” хэмээн ярьсныг сэтгүүлчид онцолжээ.
