“Алтаргана -2016” наадам ирэх долдугаар сарын 1-3 ны өдрүүдэд ОХУ-ын Буриад улсын нийслэл Улаан-Үдэ хотноо болно. Тус наадмын хэвлэлийн хурал өнөөдөр "Монгол ньюс" мэдээллийн төд боллоо. Олон улсын чанартай тус наадам энэ жил 12 дахь жилдээ зохион байгуулагдаж байгаа юм.
Сүүлийн жилүүдэд “Алтаргана” наадам цар хүрээгээ улам тэлж Монгол, Орос, Хятад улсад суугаа буриадууд хүрэлцэн ирж дуу хуур, ёс заншил, эрийн гурван наадмын төрлөөр өрсөлдөх болсон. Энэ удаад буриад ардын дуу, үлгэр магтаал, яруу найргийн тэмцээнээс гадна Сайхан бүсгүй шалгаруулах “Дангина” тэмцээн болох юм байна.
“Алтаргана-2016” наадмын зохион байгуулах хорооны даргаар Буриад улсын Соёлын Яамны сайд Тимур Цыбиков ажиллаж байна. Монгол Улсын Засгийн газрын тогтоолоор “Алтаргана” наадмын зохион байгуулах хороо байгуулагдаж, Улаан-Үд хотноо болох наадмын бэлтгэл хангагдаад байгаа гэлээ.